ఫీజులు, బుక్స్ దోపిడీని అరికట్టలేరా…..????

ఫీజులు, బుక్స్ దోపిడీని అరికట్టలేరా?

అడ్డగోలుగా ఫీజులు వసూలు చేస్తున్న ప్రైవేటు పాఠశాలలు….

ప్రైవేటు పాఠశాలల్లో వసూళ్ల వివాదం

చర్యలు తీసుకోలేకపోతున్న విద్యాశాఖ అధికారులు…..

ఎమ్మిగనూరు యువతరం ప్రతినిధి;

ప్రభుత్వ పాఠశాలల ఉనికి తగ్గుతూ ప్రయివేటు పాఠశాలల ప్రాబల్యం పెరుగుతోంది. ఇక్కడైతే పిల్లల పట్ల శ్రద్ద వహించి పిల్లలను ఉన్నత స్థాయికి తీసుకు వస్తారనే అభిప్రాయంతో తల్లిదండ్రులు తమకు భారమైనా పిల్లల్ని ప్రయివేటు పాఠశాలల్లో చేర్పించి చదివిస్తూ వస్తున్నారు. రాను రాను ఈ పాఠశాలల ప్రాబల్యం పెరిగిపోయింది. ఈ పాఠశాలల్లో కూడా కాంపిటీషన్ పెరుగుతూ ర్యాంకులు తెప్పిస్తాం మీ పిల్లల్ని దేశం గర్వించే స్థాయికి తీసుకు వస్తాం అంటూ తల్లిదండ్రులకు లేనిపోని ఆశలు చూపిస్తూ వీటి ఉనికి చాటుకుంటూ వస్తున్నాయి. ప్రయివేటు పాఠశాల దోపిడి రాను రాను ఫీజుల దోపిడీ పెరుగుతుంది. మా పాఠశాలల్లో అన్ని వసుతులు కల్పిస్తున్నాం అని చెబుతూ తల్లిదండ్రు ఏలాంటి వసతులు లేకపోయినా అడ్డగోలు ఫీజులు వసూలు చేస్తున్నారు.
ఎమ్మిగనూరు పట్టణంలో ప్రైవేటు పాఠశాలలు నిబంధనలకు విరుద్ధంగా అడ్డగోలుగా ఫీజులు వసూలు చేస్తున్నాయి. పుట్టగొడుగుల్లా కొత్త ప్రైవేట్ పాఠశాలలు పుట్టుకొస్తున్నాయి. కేజీ తరగతులకు సైతం వేలాది రూపాయలు లో ఫీజులు వసూలు చేస్తుండటంతో తల్లిదండ్రులు లబోదిబోమంటున్నారు. విద్యార్థుల తల్లిదండ్రులు తమ పిల్లలను మంచి ప్రైవేటు పాఠశాలలో చేర్పించాలని ఆసక్తి కనబరుస్తున్నారు. కానీ ఫీజులు మోత మోగించడంతో భరించలేక పోతున్నారు. ఒక్కో ప్రైవేటు పాటశాలలో తమ ఇష్టారీతిగా ఫీజులను వసూలు చేస్తున్నారు. నియమ నిబంధనలను తుంగలో తొక్కి అడ్డగోలుగా ఫీజులు వసూలు చేస్తున్నారు. దీనికి తోడు బుక్స్ ,స్కూల్ డ్రెస్సులు, నోట్ పుస్తకాలు అంటూ వేలకువేలు దోచుకుంటున్నారు. కొన్ని పాఠశాలలు సెక్షన్లను పెంచుకుంటూ పోతున్నారు. తీసుకోవాల్సిన విద్యార్థుల సంఖ్య కంటే ఎక్కువగా తీసు కుంటున్నారు.

అధిక ఫీజులను అరికట్టాలి….

1. ప్రైవేటు పాఠశాలలు వసూలు చేస్తున్న అధిక ఫీజులను అరి కట్టాలని విద్యార్థుల తల్లిదండ్రులు డిమాండ్ చేస్తున్నారు. నిధులకు తోడు పుస్తకాలు నోట్ పుస్తకాలు స్కూల్ డ్రెస్సులు బ్యాగులు తడిసి మోపెడవుతున్నాయని ఆవేదన వ్యక్తం చేస్తున్నారుఫీజులను కట్టేందుకు ప్రత్యేక చర్యలు చేపట్టాలని డిమాండ్ చేస్తున్నారు బిల్లు కోసం అన్ని పాఠశాలల్లో ఒకే విధంగా ఫీజులు ఉండేలా చర్యలు తీసుకోవాలని కోరుతున్నారు విద్యార్థులకు కావలసిన అన్ని మౌలిక వసతులను కల్పించాలి. దీనిపై విద్యాశాఖ అధికారులు స్పందించి వెంటనే చర్యలు చేపట్టి నిబంధనలకు విరుద్ధంగా ఉన్న పాఠశాలలపై చర్యలు తీసుకోవాలని డిమాండ్ చేస్తున్నారు.