ANDHRA PRADESHOFFICIALSTATE NEWS
బక్రీద్ శుభాకాంక్షలు తెలిపిన ఎస్సై

బక్రీద్ శుభాకాంక్షలు తెలిపిన ఎస్సై
పెద్దవడుగూరు యువతరం విలేఖరి;
మండల ప్రజలకు, ముస్లిం సోదర సోదరీమణులకు బక్రీద్ పర్వదినం సందర్భంగా పెద్దవడుగూరు ఎస్సై డి శ్రీనివాసులు శుభాకాంక్షలు తెలిపారు. ఈ సందర్భంగా ఎస్ ఐ డి శ్రీనివాసులు బుధవారం మాట్లాడుతూ త్యాగం, సహనం బక్రీద్ పండుగ ఇచ్చే సందేశాలన్నారు. దైవ ప్రవక్త ఇబ్రహీం మహోన్నత త్యాగాన్ని స్మరించుకుంటూ ఈ పండుగ జరుపుకుంటారన్నారు. భక్తి భావం, విశ్వాసం, కరుణ, ఐక్యతకు సంకేతమైన ఈ పండుగను భక్తి శ్రద్ధలతో ఘనంగా జరుపుకోవాలని సూచించారు. ఈ పండుగ సోదర భావం, ఐక్యతకు ఆదర్శంగా నిలుస్తుందని చెప్పారు. అల్లాహ్ ఆశీస్సులు ప్రజలందరికీ ఎల్లప్పుడూ ఉండాలని అభిలషించారు. అల్లా దయతో పెద్దవడుగూరు మండల ప్రజలు సుబిక్షంగా ఉండాలని ప్రార్థిస్తున్నానని అన్నారు.