నాగార్జునసాగర్ 26 క్రస్ట్ గేట్లను 5 అడుగుల మేర ఎత్తి దిగువకు నీటిని విడుదల చేసిన ప్రాజెక్టు అధికారులు
మాచర్ల ప్రతినిధి జూలై 30 యువతరం న్యూస్:
దాదాపు 18 సంవత్సరాల తర్వాత జులై నెలలోనే క్రస్ట్ గేట్ల ద్వారా నీటిని విడుదల చేయడం శుభపరిణామం. శ్రీశైలం నుంచి సాగర్ జలాశయానికి కృష్ణమ్మ పరవళ్ళు తొక్కడంతో ప్రాజెక్ట్ ఏరియా మొత్తం సుందర కావ్య దృశ్యంగా మారింది.
నాగార్జునసాగర్ జలాశయం గేట్లు ఎత్తబడ్డాయి. ఇది 18 సంవత్సరాల తర్వాత జూలై నెలలోనే గేట్లు ఎత్తడం ఇదే మొదటిసారి.గేట్ల ఎత్తివేత: అదికారులు చేతుల మీదుగా గేట్లను ఎత్తివేసి నీటిని దిగువకు విడుదల చేశారు.
ప్రస్తుతనీటిమట్టం:నాగార్జునసాగర్ జలాశయం పూర్తిస్థాయి నీటిమట్టం 590 అడుగులు కాగా, ప్రస్తుతం 586.60 అడుగుల వద్ద ఉంది.నీటి నిల్వ సామర్థ్యం: ప్రాజెక్టు పూర్తిస్థాయి నీటి నిల్వ సామర్థ్యం 312.04 టీఎంసీలు కాగా, ప్రస్తుతం దాదాపు నిండుకుండలా 305.5 టీఎంసీలకు పైగా నీటి నిల్వ ఉంది.వరద ప్రవాహం (ఇన్\200ఫ్లో): ఎగువ నుంచి భారీ వర్షాల కారణంగా శ్రీశైలం నుండి నాగార్జునసాగర్ కు 2,01,743 క్యూసెక్కుల వరద వస్తోంది.నీటి విడుదల (ఔట్\200ఫ్లో): ప్రస్తుతం 1,00,000 క్యూసెక్కులకు పైగా నీటిని దిగువకు విడుదల చేస్తున్నారు. ప్రధానంగా 14 గేట్లు ఎత్తి నీరు విడుదల
జూలైలో గేట్ల ఎత్తివేత ప్రత్యేకత: సాధారణంగా నాగార్జునసాగర్ ఆగస్టులో నిండుతుంది, కానీ ఈసారి భారీ వర్షాల వల్ల జూలైలోనే నిండటం విశేషం.ముందస్తు జాగ్రత్తలు.ప్రాజెక్టు గేట్లు ఎత్తిన నేపథ్యంలో, దిగువ భాగంలోని నది పరివాహక ప్రాంతాల ప్రజలు అప్రమత్తంగా ఉండాలని అధికారులు హెచ్చరికలు జారీ చేశారు. నదిలోకి వెళ్లవద్దని సూచించారు.
